වසංගත රෝග විද්‍යා අංශය

2013 වර්ෂයේ ගත වූ මාස 4 තුළදී, ඩෙංගු බවට සැක කෙරෙන රෝගීන් 12672 ක් දිවයින මුළුල්ලෙන්ම වසංගත රෝග විද්‍යා ඒකකයට වාර්තා වී ඇත.

ඩෙංගු රෝගීන්ගෙන් ආසන්න වශයෙන් 41.57% ක් පමණ වාර්තා වූයේ බස්නාහිර පළාතෙනි. වැඩිම ඩෙංගු රෝගීන් සංඛ්‍යාව වාර්තා වූයේ  3වන සතිය තුළදීය.

මදුරුවන් බෝවීමට ඉඩ ඇති ස්ථාන පරිසරයෙන් අඛණ්ඩව ඉවත් කිරීම් අවශ්‍යතාව මෙම තත්ත්වය මගින් පෙන්නුම් කෙරේ. එමෙන්ම උණ රෝගය වැළඳීමෙන් දින තුනක් ඉකුත් වූ පසුත් රෝගය පවතී නම් වෛද්‍ය ප්‍රතිකාර ලබා ගැනීම වැදගත් වේ.

මී උණ යනු ශ්‍රී ලංකාවට ආවේණික වූ සත්වාසාදන රෝගයකි. අප සතු අතීත අත්දැකීම් හා දත්ත මගින් පෙන්නුම් කෙරෙන්නේ මෙම රෝගය ප්‍රධාන වශයෙන්ම කෘෂිකර්මය හා සම්බන්ධ වූවක් බවයි. එබැවින් කුඹුරු අවට ප්‍රදේශය පිරිසිදුව තබා ගන්නා ලෙසත්, වගාවට පෙර පවතින ජලය බැස යැවීමට වග බලා ගත යුතු බවටත් නියර පටුව හා මීගුල් වලින් තොරව තබා ගැනීමටත් වී වගාවේ යෙදී සිටින්නන් උපදෙස් දෙනු ලැබේ. ශ්‍රී ලංකාවේ මෙම රෝගය බෝවීමට වඩාත්ම සුලබ වාහකයා මීයා වන බැවින් මීගුල් විනාශ කිරීම හා කුඹුරු අවටින් මීයන් තුරන් තුරන් කර දැමීම යෝග්‍ය වේ. එමෙන්ම උණ. හිසරදය හා මස්පිඩුවල වේදනාව යන රෝග ලක්ෂණ ඇති වී වගාවේ යෙදෙන පුද්ගලයන්‍වෛද්‍ය ප්‍රතිකාර ලබා ගැනීම වැදගත් වේ. ඔබගේ ප්‍රදේශයෙව් සෞඛ්‍ය වෛද්‍ය නිලධාරීගෙන් (MOH) හා මහජන සෞඛ්‍ය පරීක්ෂකගෙන් වැඩිදුර විස්තර ලබා ගත හැකිය.